𝗧𝗜𝗚𝗡𝗔𝗡 | 𝗠𝗮𝗻𝗶𝗹𝗮 𝗕𝗮𝘆 𝗖𝗹𝗲𝗮𝗻-𝘂𝗽, 𝗥𝗲𝗵𝗮𝗯𝗶𝗹𝗶𝘁𝗮𝘁𝗶𝗼𝗻, 𝗮𝗻𝗱 𝗣𝗿𝗲𝘀𝗲𝗿𝘃𝗮𝘁𝗶𝗼𝗻 𝗣𝗿𝗼𝗴𝗿𝗮𝗺 (𝗠𝗕𝗖𝗥𝗣𝗣) 𝗟𝗚𝗨 – 𝗖𝗼𝗺𝗽𝗹𝗶𝗮𝗻𝗰𝗲 𝗔𝘀𝘀𝗲𝘀𝘀𝗺𝗲𝗻𝘁 𝗚𝗶𝗻𝗮𝗻𝗮𝗽 𝘀𝗮 𝗜𝗻𝗱𝗮𝗻𝗴 𝗠𝘂𝗻𝗶𝗰𝗶𝗽𝗮𝗹 𝗛𝗮𝗹𝗹

Matagumpay na isinagawa ang MBCRPP LGU – Compliance Assessment sa Bayan ng Indang na pinangunahan ni 𝗠𝘂𝗻𝗶𝗰𝗶𝗽𝗮𝗹 𝗘𝗻𝘃𝗶𝗿𝗼𝗻𝗺𝗲𝗻𝘁 𝗮𝗻𝗱 𝗡𝗮𝘁𝘂𝗿𝗮𝗹 𝗥𝗲𝘀𝗼𝘂𝗿𝗰𝗲𝘀 𝗢𝗳𝗳𝗶𝗰𝗲𝗿 (𝗠𝗘𝗡𝗥𝗢) 𝗔𝗹𝗼𝗻𝗮 𝗠. 𝗬𝗮𝗽.

Dinaluhan din ito nina 𝗠𝘂𝗻𝗶𝗰𝗶𝗽𝗮𝗹 𝗠𝗮𝘆𝗼𝗿 𝗩𝗶𝗿𝗴𝗶𝗹𝗶𝗼 𝗙. 𝗙𝗶𝗱𝗲𝗹, 𝗠𝘂𝗻𝗶𝗰𝗶𝗽𝗮𝗹 𝗔𝗱𝗺𝗶𝗻𝗶𝘀𝘁𝗿𝗮𝘁𝗼𝗿 𝗔𝘁𝘁𝘆. 𝗦𝗶𝗺𝗲𝗼𝗻 𝗚𝗮𝗿𝗰𝗶𝗮 𝗝𝗿., at 𝗗𝗜𝗟𝗚 𝗠𝗟𝗚𝗢𝗢 𝗔𝗻𝗻𝗲 𝗞𝗶𝗺𝗯𝗲𝗿𝗹𝘆 𝗣. 𝗕𝗮𝗯𝗮𝗮𝗻, na nagbigay ng makabuluhang mensahe ukol sa kasalukuyang kalagayan ng ating bayan sa usaping pangkalikasan at pangangalaga sa kapaligiran.

Sinundan ito ng mabusising pagsusuri sa mga dokumento ng mga kinatawan ng OPENRO, DILG Provincial Office, Provincial Housing Development and Management Office, at DILG Regional Office, na pinangunahan ni 𝗣𝗗𝗢 𝗜𝗜𝗜 𝗖𝗵𝗿𝗶𝘀𝘁𝗶𝗮𝗻 𝗗𝗮𝗰𝗮𝗻𝗮𝘆 at 𝗣𝗗𝗢 𝗜𝗜 𝗔𝗹𝘄𝘆𝗻𝗻𝗲 𝗔𝗹𝘆𝘀𝗮 𝗕𝗮𝘆. Dito ay sinuri ang mga aktibidad at inisyatiba ng LGU kaugnay sa MBCRPP.

Pagkatapos ng table assessment, nagtungo ang mga validators sa Municipal Agri-Demo Farm sa Brgy. Banaba Lejos upang obserbahan ang mga aktwal na mekanismo at hakbang ng MENRO sa maayos, sistematiko, at ligtas na pamamahala ng basura.

Nagtapos ang aktibidad sa isang exit conference kung saan ibinahagi ng mga validators ang kanilang obserbasyon at puna batay sa mga dokumento at aktwal na pasilidad.

source: DILG Indang Field Office