Ipinababatid po sa lahat na nakakasaksi ng tila FOG o HAMOG na nasa ating paligid. Ito po ay Volcanic Smog (VOG), inaabisuhan na maging mapagmasid at gawin ang mga kaukulang paghahanda patungkol sa ibinubugang usok ng Bulkang Taal na maaring makaapekto sa kalusugan lalot higit sa may kasalukuyang karamdaman.
Ang volcanic smog ay isang mapanganib na kombinasyon ng gas at maliit na particulate matter na resulta ng aktibidad ng bulkan. Maari itong magdulot ng problema sa paghinga at iba pang sakit sa kalusugan, lalo na sa mga mayroong mga existing na kondisyon sa baga.
Narito ang ilang hakbang para pangalagaan ang inyong kalusugan:
Manatili sa Loob: I-limit ang mga outdoor na aktibidad upang mabawasan ang pagka-expose sa volcanic smog.
Magsuot ng Face mask :Magsuot ng Face mask, lalo na kapag lumalabas ng bahay, upang mabawasan ang paglanghap ng makakasamang particulate matter.
Isara ang mga Bintana: Palakasin ang pag-sara ng mga bintana at pinto upang maiwasan ang pagpasok ng volcanic smog sa inyong tahanan.
Manatili Sa Labas ng Panganib: Subaybayan ang mga update mula sa lokal na mga awtoridad para sa pinakabagong impormasyon at tagubilin ukol sa kaligtasan.
Ayon sa Philippine Institute of Volcanology and Seismology ay may mataas na lebel ng sulfur dioxide (SO2) ang ibinubuga ng bulkang Taal na nagdudulot ng volcanic smog o vog. Nagbuga ang Taal Main Crater ng 3,355 tonelada na volcanic sulfur dioxide o SO2 gas noong ika-17 ng Agosto.
Maaari itong magdulot ng iritasyon sa mata, lalamunan at sa respiratory tract na maaaring lumubha depende sa konsentrasyon o tindi ng pagkakalanghap. Mapanganib ang volcanic smog sa may mga kondisyon sa kalusugan tulad ng hika, sakit sa baga, sakit sa puso, sa mga matatanda, mga buntis at mga bata.
Mag-ingat po tayong lahat.
Ang inyong kaligtasan ay mahalaga sa amin. Mangyaring ibahagi ang babalang ito sa inyong pamilya, mga kaibigan, at mga kapitbahay.
Magtulungan tayo upang manatiling ligtas.
